HARIXAkideon esperientzia
eta egitasmoak
Debagoienean lanean ere euskaraz
Praktika egokiak eta eredugarriak
Atal honetan, batez ere, HARIXAkideen esperientziak jasoko ditugu, elkarren berri izateko eta elkarren praktika onak baliatzeko asmoz. Denetariko esperientziak sartuko ditugu eta zuenaren berri ematera animatzen zaitugu.
Gogoratu, bestalde, Euskal Herri osoko praktika honen bilduma zabala dagoela webgune honetan: https://www.euskalit.net/hizkuntzenkudeaketabilatzailea/
HARIXA, 2023rako gure konpromisoa
Diagnostikoa egin ostean, erabaki dugu bezero eta hartzekodunekin dugun dokumentazioa euskarara itzultzea, hau da, Euskal Herrikoekin albaran, eskaera, faktura eta abar… sistemak zuzenean euskaraz sortzea.
Horretarako, dokumentazio guztiaren plantillak itzuliko ditugu, eta sisteman, aukera emango dugu zein hizkuntzatan igorriko ditugun markatzeko.
Hauek dira HARIXAren barruan ROYDEn aurten bideratu nahi genituzekeen jardueretako batzuk:
- Harrera Plana euskarara itzultzea langile etorri berriei harrera euskaraz egiteko. Bestalde, bertan euskarari buruzko atal bat ere txertatuko dugu.
- Harixako hitzarmenean parte hartzen duten beste entitateekin dugun harremanaren informazioa jaso eta horiek euskaraz bideratzen saiatzea.
BELMEKeko langile guztiok dakigu euskaraz eta euskara gure enpresako ohiko hizkuntza da. Hala ere, pentsatzen dugu oraindik eman ditzakegula urrats batzuk. Helburu horrekin aurten Harrobia agiria lortzeko ebaluazioan parte hartzea pentsatu dugu.
Harrobia enpresetako euskararen erabilera ebaluatu eta aitortzeko agiri berri bat da, Eusko Jaurlaritzak aurten abian jarri duena.
Testigantzak
Harixakideen esperientziak ezagutu nahi?
Soraluce - Gaizka Kortazar
Kalitate arloko bilera euskalduntzeko prozesu bat bideratu dugu, intzidentziak euskaraz idaztetik hasita.
Ecenarro - Unai Oteiza
Euskara plana diseinatu dugu Emun aholkularitza enpresaren laguntzarekin.
Ecenarro - Maria Azpeitia
Plan Estrategikoa eta urteko gestio-plana egin ditugu. Besteak beste honakoak lantzen dihardugu: hizkuntza paisaia, oinarrizko dokumentazioa, hizkuntza irizpideak, ahozkoan eragiteko motibazio-ekintzak…
Euskara ERREKAN
HARIXA
Debagoienean lanean ere euskaraz
DEBAGOIENEKO MANKOMUNITATEA
1720500 Arrasate-Mondragón
(GIPUZKOA)